АСТАНА. ҚазАқпарат - «Air Astana» әзірше «Астана-Париж» бағытында әуе рейсін аша алмайды. Бұл туралы бүгін Үкіметтің селекторлық режімдегі отырысында «Air Astana» компаниясының вице президенті Ербол Оспанов айтты.
«Астана-Париж» бағытындағы әуе рейсіне қатысты айтар болсақ, әзірше ««Air Astana» оны аша алмайды. Өйткені «сұр тізімге» байланысты бізге жаңа жиіліктер мен бағыттарға шектеу қойылған», - деді ол.
Дегенмен оның атап өтуінше, 25-26 наурыз аралығындағы ИКАО өкілдерінің сапары барысында бұл мәселе толығымен шешілетін болады.
«Біздің флотымыз да, адамдарымыздың дайындығы да бұл әуе рейсін ашуға мүмкіндік береді»,- деді Е.Оспанов.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.