Жапония астанасы Токиода парадзюдодан өтіп жатқан Гран-при турнирінде Ақмарал Науатбек чемпион атанды, деп хабарлайды Kazinform.
Ақмарал Науатбек J2 санаты бойынша 48 келіге дейінгі салмақта үздік шықты.
Ол финалда Токио паралимпиадасының жеңімпазы, әзербайжандық Шахона Хаджиеваны таза ұтты.
Сондай-ақ Қазақстан қоржынына екі күміс, бір қола медаль түсті.
Даяна Федосова J2 санаты бойынша 57 келіге дейінгі салмақта финалда өзбекстандық Кусомхон Ходжаеваға есе жіберді.
Олжас Оразалыұлы 73 келіге дейінгі салмақта J2 санаты бойынша соңғы бәсекеде жапониялық Сето Хирокиге жол беріп, күміс жүлдені қанағат тұтты.
Тағы бір қазақстандық Ерғали Шамей J1 санаты бойынша 73 келіге дейінгі салмақта отандасы Асылан Нұрдәулетовтен айласын асырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).