Ақмола мен Павлодар облыстарында ауа райына байланысты бірқатар жолдар жабылды

АСТАНА. KAZINFORM - 12 қазанда сағат 01:30-да Ақмола облысында ауа райының бұзылуына байланысты "Астана-Ерейментау-Шидерті" автожолының 16-200 шақырым аралығында Астана қаласынан Павлодар облысының шекарасына дейінгі учаскеде автокөліктің барлық түрінің қозғалысына шектеу қойылды.

Бұл туралы ҚазАвтоЖол мәлімдеді.

«Сонымен қатар сағат 00:00–де Ақмола облысында ауа райының бұзылуына байланысты „Екатеринбург-Алматы“ автожолының 1003-1128 шақырым аралығында Атбасар қаласынан Астраханка ауылына дейінгі учаскеде автокөліктің барлық түрінің қозғалысына шектеу қойылды», деп жазды ведомстводан.

Сондай-ақ 12 қазанда сағат 01:30–да Ақмола облысында ауа райының бұзылуына байланысты Павлодар облысында «Астана-Ерейментау-Шидерті» автожолының 200-254 шақырым аралығындағы Ақмола облысынан Шидерті ауылының шекарасына дейінгі учаскеде автокөліктің барлық түрінің қозғалысына шектеу қойылды.

Айта кетейік, 1403 байланыс орталығына хабарласып, тәулік бойы қосымша ақпарат алуға болады.