Ақмола облысында астық сақтайтын қойма өртенді
21:20, 25 Қыркүйек 2024
КӨКШЕТАУ. KAZINFORM – Ақмола облысының Есіл қаласында элеватордың астық қоймасынан өрт шықты.
Ақмола облысы төтенше жағдайлар департаменті баспасөз қызметінің мәліметінше, қызыл жалын астық қоймасының 900 шаршы метр аумағын шарпыған.
«Отты сөндіруге Есіл ауданының азаматтық қорғау гарнизоны, жергілікті атқарушы органдар, ҚТЖ өрт сөндіру поезы және мемлекеттік емес өртке қарсы қызметтің күш-құралдары тартылды. Тілсіз жаудан жапа шекендер мен қайтыс болғандар жоқ. Келген шығын көлемі мен өрттің шығу себебі анықталып жатыр», - деді ведомстводан.
Айта кетсек, бұдан бұрын бұдан бұрын Ақмола облысында спорт мектебіндегі өрттен 15 бала эвакуацияланғанын жазған едік.