Ақмола облысында балабақшадан 40-қа жуық бүлдіршін эвакуацияланды

АСТАНА. KAZINFORM — Бүгін 112 қызметіне Ақмола облысындағы жеке балабақшада түтін шыққаны туралы хабарлама келіп түсті, деп хабарлайды ТЖМ баспасөз қызметі.

ТЖД бөлімшелері келген кезде балабақшаның жертөлесіндегі электр жабдығының қысқа тұйықталуы анықталды. 

— Қауіпсіздік мақсатында құтқарушылар 49 адамды, оның ішінде 39 баланы эвакуациялады. Зардап шеккендер жоқ. Оқиғаның себебі анықталып жатыр, — делінген хабарламада.

Бұдан бұрын Павлодарда бір топ бүлдіршін балабақшада ұшынып, ауруханаға түскенін жазғанбыз.

Кейіннен балалар тамақтан ұшынған балабақшаның бірнеше қызметкері жұмыстан шеттетілгені белгілі болды.