Ақмола облысында басты шыршаның шамдарын жағу рәсімі өтпей қалды
Күн райының нашарлауына байланысты Көкшетаудың Абылай хан алаңында орнатылған Жаңа жылдың басты шыршасының шамдарын жағу рәсімі кейінге қалдырылды, деп хабарлайды Kazinform.
Фото: pixabay.com
26 желтоқсанда Көкшетау қаласы аумағында жылдамдығы 15 м/с екпінде жел тұрды. Салдарынан жаңажылдық басты шырша зақымдалды. Сол себепті, 26 желтоқсан, сағат 19.00-ге жоспарланған шырша шамын салтанатты түрде жағу рәсімі кейінге шегерілді.
«Қосымша ақпаратты кейін хабарлайтын боламыз», - деп түсіндірді Көкшетау қаласы әкімдігінің баспасөз қызметінен.
Биыл Көкшетауда Жаңа жылды мерекелеуге 45 млн теңге жұмсалатынын бұған дейін жазған болатынбыз.
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.