2026 жылғы 17 маусымда сағат 15:59–де «Көкшетау» мемлекеттік ұлттық табиғи паркінің Арықбалық филиалы аумағындағы Торғай орманшылығында орман өртенді.
— Өрттің жалпы аумағы 11,58 гектарды құрады. Оның ішінде 0,38 гектары орманмен көмкерілген жер болса, 11,2 гектары ормансыз (жайылымға) тиесілі. Өртті сөндіру жұмыстарына 24 адам мен 8 техника жұмылдырылды, — делінген хабарламада.
«Көкшетау» ұлттық паркі ормандар мен табиғи аумақтарда өрт қауіпсіздігі ережелерін қатаң сақтауға шақырады. Тіпті болмашы ұқыпсыздықтың өзі табиғатқа орасан зор зиян келтіруі мүмкін.
Бұған дейін ШҚО-да өрт қауіпсіздігі талаптарын бұзған 150-ден астам адам жауапқа тартылғаны белгілі болды.