Ақмола облысында ауылдық округтер әкімдерінің қызметін автоматтандыру бағдарламасы пилоттық режімде іске қосылды

АСТАНА. ҚазАқпарат - Ағымдағы жылғы 16 мамырда ҚР Денсаулық сақтау және әлеуметтік даму вице-министрі Светлана Жақыпованың Ақмола облысына жұмыс сапары аясында Аршалы ауданында ауылдық округтер әкімдерінің қызметін автоматтандыру бойынша бағдарлама пилоттық режімде іске қосылды. Бұл туралы ҚР ДСӘДМ баспасөз қызметінен хабарлады.

«Бағдарламаның басты мақсаты - ауылдық округтерде тұратын жұмыссыздарды, аз қамтылған азаматтар мен жалдамалы жұмыскерлерді есепке алу.

Бағдарлама арқылы ауылдық октугтердегі жұмыссыздарды, өзін-өзі жұмыспен қамтығандарды, аз қамтылған азаматтарды, жалдамалы жұмыскерлерді есепке алуды жүйелендіру; еңбек ресурстарының теңгерімін құру; тұрғындардың мақсатты топтарын жұмыспен қамтуда қолдау шараларын анықтау; ішкі еңбек көші-қонын анықтау; өзін-өзі өнімсіз жұмыспен қамтыған азаматтарды нысандау; жеке қосалқы шарушылығының бар-жоқтығы туралы мәліметтерді жүйелендіру сияқты міндеттер шемімін табады.

Бұл бағдарлама әрбір мақсатты топ бойынша жұмыспен қамтуда нақты іс-шаралар қабылдауға мүмкіндік береді», - деп жазылған хабарламада.

Ақмола облысының Аршалы ауданында бағдарлама пилоттық режімде сынақтан өткен соң оны республиканың барлық өңірлерінде енгізу мәселесі қарастырылады.