18:51, 30 Маусым 2017

Ақмола облысында бөдененің жұмыртқасындай бұршақ жауды

КӨКШЕТАУ. ҚазАқпарат - Ақмола облысының Бурабай ауданы аумағында бөдененің жұмыртқасындай бұршақ жауды, деп хабарлайды «ҚазАқпарат» ХАА тілшісі.

Күндізгі сағат 16:00-17:00-дерде жауған бұршақтан Щучинск қаласындағы бірқатар тұрғын үйлер мен автокөліктердің терезелері сынған.

Тұрғындардың айтуынша, бұршақтың ірілігі бөдененің жұмыртқасындай болған. Бұршақтың соңы жаңбырға ұласқан. Әзірге, адамдардың зардап шеккендігі туралы мәлімет жоқ.

Ауа райы Ақмола облысы
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.