КӨКШЕТАУ. ҚазАқпарат - Ақмола облысында із-түзсіз жоғалған 34 жастағы ер адам іздестірілуде, деп хабарлайды «ҚазАқпарат» ХАА тілшісі ІІД баспасөз қызметіне сілтеме жасап.
«Құсайынов Қуаныш Тұрсынханұлы, 08.01.1983 жылы туған. Ағымдағы жылдың 8 қаңтарында үйінен шығып, қайтып оралмаған. Содан бері хабарсыз.
Үстіне қызыл куртка, көк джинсы шалбар, қара түсті баскиім мен қара түсті аяқкиім киген. Егер Қуаныштың жүрген жерін білетін адам болса, 87015758008 немесе арнайы «02» телефон нөмірі арқылы хабарласуына болады», - деп көрсетілген хабарламада.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.