КӨКШЕТАУ. ҚазАқпарат – Ақмола облысының Егіндікөл ауданында «АСКОП» ЖШС-нің кеңсесінен ақша тонамақ болған күдіктілер ұсталды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, күдіктілер қазанның 27-де «Құқықтық тәртіп» жедел алдын алу шарасы кезінде қолға түсті.
«Жәкібаев көшесінің бойында орналасқан «Аскоп» ЖШС-нің кеңсесін тонау кезінде бұрын сотты болған екі күдікті ұсталды. Күдіктілер уақытша ұстау оқшаулағышына қамалып, үстерінен Қылмыстық кодекстің 188 бабының 4 бөлігі 3 бөлімшесі бойынша сотқа дейінгі тергеу амалдары жүргізілуде», - деді ведомстводан.
Аталмыш санкция бойынша күдіктілер 5-тен 10 жылға дейін мерзімге сотталуы мүмкін.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.