"Ауылды су басу қаупi бар. Дегенмен әлi ешбiр үйге су кiрген жоқ. Алдын ала 12 үйдiң тұрғындары жергiлiктi мектепке көшiрiлдi. Уақытша бөген тұрғызылып, 1 мыңға тарта құм салынған қаптармен қоршау жасалды", - дедi ол.
Оның сөзiне қарағанда, бұл жұмыстарға құтқару бөлiмшелерiнен, жергiлiктi атқарушы органдарынан және өзге де ұйымдардан 135 адам, 6 бiрлiк техника және 2 қайық тартылды.
Жалпы қазiр Ақмола облысында су айдындарының жай-күйiне үздiксiз мониторинг жүргiзiлуде. Құтқару құрылымдарының күштерi мен құралдары жоғары әзiрлiк режимiнде тұр.
"Целиноград ауданының Ағанас ауылында адамдар мен азық-түлiктi тасымалдау ұйымдастырылды. Жол төсемiн қалпына келтiру жұмыстары басталды. Ақмола облысының құтқарушылары тәулiк бойы кезекшiлiк атқаруда.
Талапкер ауылында ерiген қар суын сору жұмыстары жалғасуда. Барлығы 3 980 текше метр су сорылды", - дедi Р. Иманқұлов.