КӨКШЕТАУ. ҚазАқпарат - Ақмола облысында жекеменшік тұрғын үйде болған өрттен 65 жастағы ер адам көз жұмды, деп хабарлайды ҚазАқпарат тілшісі.
ТЖД баспасөз қызметінің мәліметі бойынша өрт 29 қазан күні кешкі уақыт 21:49 шамасында Бурабай ауданының Новоалександровка ауылында болған.
«Тілсіз жауды ауыздықтауға ТЖД жеке құрамынан 10 және 2 арнайы өрт сөндіру техникасы тартылды. Оқиға орнынан 1950 жылғы ер адамның мәйіті табылды. Қазіргі кезде өрттің шығу себебі анықталуда» деп түсіндірді баспасөз қызметіндегілер.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.