КӨКШЕТАУ. ҚазАқпарат - Боранға байланысты Ақмола облысы аумағындағы республикалық мақсаттағы жолдар көліктің барлық түрі үшін уақытша жабылды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.
«Ауа райының нашарлауына байланысты қаңтардың 2-і сағат 16:45 бастап республикалық мақсаттағы күре жолдардың «Екатеринбор-Алматы» 1006-1247 км (Атбасар – Нұр-Сұлтан), «Щучье-Зеренді» 0-80 км (Щучье –Зеренді), сағат 18:00 бастап «Нұр-Сұлтан - Петропавл» 18-231 км (Щучье– Нұр-Сұлтан) учаскелерінде көліктің барлық түріне жол жабылды», - деп Ақмола облыстық ТЖД баспасөз қызметі ескерту таратты.
Еске сала кетсек, боранға байланысты «Нұр-Сұлтан-Атбасар» жолында барлық көлік жүрісі тоқтатылды.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.