Ақмола облысында Сандықтау аудандық ішкі істер бөлімінің ғимаратында өрт болды
10:59, 21 Желтоқсан 2009
АСТАНА. Желтоқсанның 21-і. ҚазАқпарат - Ақмола облысының Балқашин селосында Сандықтау аудандық ішкі істер бөлімінің әкімшілік ғимаратында өрт болды,
деп хабарлады дүйсенбі күні Төтенше жағдайлар министрлігінің баспасөз қызметінен.
Дерек көздің ақпараты бойынша, өрт кеше, желтоқсанның 20-сы күні сағат 12.45-те криминалистика кабинетінен шыққан. Құрбан болғандар мен зардап шеккендер жоқ. Оқиға кезінде 30 адам жедел көшірілді. 10 шаршы метр ауданға жайылып үлгерген өрт ошағы сағат 13.15-те өрт сөндіру қызметінің күшімен сөндірілді.