КӨКШЕТАУ. ҚазАқпарат - Ақмола облысының Қорғалжын ауданында суға батқан 69 жастағы балықшының денесі табылды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.
Балықшының денесі Ұялы ауылынан 8 шақырым қашықтықтағы Нұра өзенінен табылған.
«27 қазанда кешкі сағат 19:00 шамасында 1950 жылы туған ер адам В.Т.Полящук балық аулау кезінде 3 метр жардан өзенге құлағаны туралы ақпарат түсті. Балықшыны іздеу жұмыстарына тиісті сала мамандары мен арнайы техникалар жұмылдырылды. Балықшының денесі бір күннен кейін табылды»,- дейді ведомствоның баспасөз хатшысы Динара Есенбаева.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.