КӨКШЕТАУ. ҚазАқпарат – Ақмола облысында 14 жастағы жасөспірім мерт болған жол апатына байланысты қылмыстық іс қозғалып, тергеу амалдары жүргізілуде, деп хабарлайды ҚазАқпарат тілшісі.
Облыстық Полиция департаментінің баспасөз қызметінен мәлім еткендей, қайғылы жол-көлік оқиғасы 22 қараша күні кешкі сағат 18:00 шамасында «Аршалы-Ижевск» автожолында болды. Жол апатынан 14 жастағы ұл бала көз жұмды.
«Қазіргі кезде, жол-көлік оқиғасының мән-жайын анықтау бағытында тиісті тергеу шаралары жүргізілуде. Өзге деректер тергеу мүддесіне орай жарияланбайды», - деді ведомстводан.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.