КӨКШЕТАУ. ҚазАқпарат - Ақмола облысында жолаушылар автобусынан өрт шықты, деп хабарлайды ҚазАқпарат тілшісі.
Аймақтық ТЖД баспасөз қызметінің хабарлауынша, оқиға 20 ақпан күні сағат 13:17-де Астрахан селосындағы автовокзал аумағында болған.
«Астана-Астрахан» бағытында қатынайтын «Neoplan» маркалы жолаушылар автобусында өрт шықты. Өрттің аумағы 1 шаршы метрді құрады. Зардап шеккендер жоқ», - деді ТЖД баспасөз хатшысы Нұрбек Мусин.
Қазіргі кезде, өрттің себеп салдары анықталуда.
Фото: © AP Photo / Leo Correa
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.