КӨКШЕТАУ. ҚазАқпарат - Ақмола облысының Аршалы ауданы Бұлақсай ауылындағы мектептің жылу қазандығы жарылды, деп хабарлайды ҚазАқпарат тілшісі облыстық ТЖД сілтеме жасап.
Ведомствоның мәліметінше, оқиға туралы хабар бүгін сағат 13:10-да түскен.
«Төтенше жағдайдың салдарынан мектептің жылу қазандығының аумағы 7 шаршы метр болатын бір қабырғасы құлады», - деді ведомстводан.
Ақмола облысы білім басқармасының ақпараты бойынша, мектепте 114 оқушы оқиды және оқиға болған сәтте олар үйде, қашықтықтан оқытуда болған.
Қазіргі кезде Ақмола облысының полиция департаменті тексеру жүргізуде.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.