КӨКШЕТАУ. ҚазАқпарат – Степногор қаласына қарасты Ақсу кентіндегі ескі шахтаға түсетін жасырын жер асты туннелі табылды, деп хабарлайды ҚазАқпарат тілшісі Ақмола облыстық ПД баспасөз қызметіне сілтеме жасап.
Ведомствоның мәліметінше, Степногор қалалық ПБ қызметкерлері Ақсу кентінің аумағында жедел-алдын алу іс–шараларын жүргізу барысында ескі шахтаға заңсыз кіруге арналған жасырын туннельді анықтады.
«Туннельдің диаметрі 1,5 және тереңдігі 8-10 метр, осы арқылы жұмыс істемейтін шахтаның төменгі қабатына түсуге болады. Полиция қызметкерлі мен «Алтыналмас АК» АҚ қызметкерлері бірігіп туннельдің жолын тапты», деді ведомстводан.
Фото: Ақмола облыстық ПД баспасөз қызметі
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.