КӨКШЕТАУ. ҚазАқпарат – «Макинск құс фабрикасы» ЖШС жүк көтергіш көлігінің жүргізушісі жұмысшыны басып мерт қылды, деп хабарлайды ҚазАқпарат тілшісі Ақмола облыстық Полиция департаментінің баспасөз қызметіне сілтеме жасап.
Ведомствоның мәліметінше, оқыс оқиға тамыздың 4-де болған.
«Алдын ала мәліметтер бойынша, жұмыс үстінде «JCBAKD-704S» жүк көтергіш көлігінің жүргізушісі 40 жастағы жұмысшыны басып кетті, ер адам алған дене жарақатынан оқиға орнында көз жұмды», - деп айтты ведомстводан.
Қазіргі кезде, «Макинск құс фабрикасы» ЖШС жұмысшының өліміне байланысты ҚР ҚК 156 бабы (еңбекті қорғау ережесінің бұзылуы) бойынша сотқа дейінгі тергеу амалдары жүргізілуде. Сондай-ақ, тергеу шаралары шеңберінде сараптама тағайындалды.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.