Ақмола облысының Бөрлі орман шаруашылығында болған өрт сөндірілді
Бұл туралы ҚР Ауыл шаруашылығы министрлігінің баспасөз қызметінен хабарлайды.
Алдын ала мәліметтер бойынша, мемлекеттік орман қорының жалын шарпыған ауданы 181 гектарды құрады, соның ішінде 30 гектары - орманды алқап.
Өртті сөндіруге Отрадный, Ұрымқай және Ақкөл орман мекемелерінің, «Бурабай» мемлекеттік ұлттық табиғи паркінің жұмысшылары мен техникасы, Бұланды және Бурабай аудандарының өрт сөндіру қызметтері, сондай-ақ жергілікті тұрғындар жұмылдырылды. Өртті сөндіру үшін 234 адам, 44 техника бірлігі және 1 тікұшақ қатыстырылды.
Оқиға себептерін және келтірілген материалдық шығынды анықтау мақсатында Ақмола облыстық орман және аң шаруашылығы аумақтық инспекциясы Ақмола облыстық өртке қарсы қызметі органдарымен бірлесе отырып, қызметтік тергеу жүргізеді.