ОРАЛ. ҚазАқпарат – Ақмола облысының тұрғыны ұшақ арқылы бекіре балығын алып өтпек болған, деп хабарлайды ҚазАқпарат тілшісі.
Орал қаласы стансасы желілік полиция бөлімі мәлім еткеніндей, аталған әйел «Бекіре-2021» жедел алдын алу шарасы барысында әуежайда «Air Astana» әуе компаниясы №980 «Орал-Нұр-Сұлтан» рейсі жолаушыларын тексеру кезінде ұсталды.
Ақмолалық тұрғыннан тиісті құжаты жоқ, жаңадан мұздатылған салмағы 9 кг екі бекіре балығы табылды.
Қазіргі кезде әйелге қатысты ҚР ҚК 339-бабына (өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) сәйкес сотқа дейінгі
тергеу амалдары жүргізілуде. Бұл бап бойынша айыпты деп танылған адамға мүлкі тәркіленіп, бас бостандығынан айырылуға дейін жаза қарастырылған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).