Байқауға облыстың әр өңірінен жиналған барлығы 30 кәсіпорын мен жеке кәсіпкерлер қатысты. Үздіктер «Өндірістік мақсаттағы үздік тауарлар», «Халыққа арналған үздік тауарлар» және «Ең үздік азық-түлік тауарлары» аталымдары бойынша анықталды.
«Өндірістік мақсаттағы үздік тауарлар» аталымы бойынша - Бурабай ауданындағы «Щучинск қазандық-механикалық зауыты» ЖШС, «Халыққа арналған үздік тауарлар» аталымы бойынша - Целиноград ауданындағы аяқ киім тігетін фабрика "САМХАТ" ЖШС жəне «Ең үздік азық-түлік тауарлары» аталымы бойынша Жақсы ауданындағы «Агрофирма ТНК» ЖШС жеңімпаз атанды.