КӨКШЕТАУ. ҚазАқпарат - Қоңыратбек Құрманбек атындағы Ақмола облыстық туберкулезге қарсы күрес диспансерінің жұқпалы аурулар бөлімшесінде 10-шы сәби дүниеге келді, деп хабарлайды ҚазАқпарат тілшісі облыстық денсаулық сақтау басқармасының баспасөз қызметіне сілтеме жасап.
Бұл жолғы ұл баланың есімін ата-анасы Әлихан қойған. Сәбидің анасына коронавирус диагнозы қойылды. Бала сау болып дүниеге келді.
«Жаңа туған сәбидің ата-анасын осынау қуанышымен құттықтаймын. Анасына тез сауығып кетуін тілейміз» делінген ведомствоның баспасөз қызметінің мәліметінде.
Айта кетейік, аталмыш бөлімшеде 6 қыз және 4 ұл дүние келді.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.