КӨКШЕТАУ. ҚазАқпарат - Ақмола облысында үсік шалған 7 адам дәрігердің көмегіне жүгінді, деп хабарлайды ҚазАқпарат тілшісі.
Ақмола облыстық денсаулық сақтау басқармасы баспасөз қызметінің мәліметінше, 6 ақпанда жедел медициналық көмек көрсету қызметіне үсік шалған 5 адам хабарласқан. Оның 3-еуі аудандардан болса, екеуі - Көкшетау қаласының тұрғындары.
Сонымен қатар, Ақмола облыстық ауруханасына бетін және қолдарын үсітіп алған екі адам көмек сұрап келді.
Зардап шеккендердің барлығына медициналық көмек көрсетілді.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.