АСТАНА. KAZINFORM – Ақмола облысы «Волонтерлерді қолдау орталығы» фронт-офисінің еріктілері өңірдегі төтенше жағдай кезінде су апатынан зардап шеккен 250-ден астам мұқтаж жанға көмек көрсетті.
Бұл туралы Орталық коммуникациялар қызметінде өткен брифингте Ақмола облысы «Волонтерлерді қолдау орталығы» фронт-офисінің басшысы Дидар Хамзин айтты.
«Еріктілер 50-ге жуық адамды эвакуциялауға атсалысты. 75 адамның үйінен бағалы заттарын шығару жұмыстарына жұмылдырылды. Еріктілердің белсенділігімен 2 тонна киім, 2,5 тонна азық-түлік себеті жиналды. ТЖ орын алған 5 ауданға толық гуманитарлық көмек жеткізілді», – деді ол.
Оралхан Қожанов
2013 жылы Алматы қаласындағы Абай атындағы ҚазҰПУ-ді журналистика мамандығы бойынша тәмамдаған. Әр жылдары «Баянтау», «Ауыл тынысы», «Отарқа», «Сарыарқа самалы», «Қазақ үні», «Егемен Қазақстан» газеттерінде, «Ұлыс медиа» порталында қызмет атқарды.