КӨКШЕТАУ. ҚазАқпарат - Ақмола облысының оқушылары Талдықорған қаласында өткен «Ұлы өнертапқыштыққа алғашқы қадам» атты республикалық инновациялық идеялар байқауына қатысты, деп хабарлайды ҚазАқпарат тілшісі.
Ақмола облыстық білім басқармасының мәліметінше, байқау 28 қазан мен 1 қараша аралығында өтті.
«Байқау қорытындысына сай Аршалы ауылындағы №2 орта мектептің оқушысы Максим Грицко «Автокөліктің қолданыстағы моделін жасау саласындағы техникалық құрастыру» аталымы бойынша жүлделі 3-орын алды. Сонымен қатар, Бектау ауылдық орта мектебінің оқушысы Нұрболат Руслан да «Құрылыс саласындағы жоба» аталымы бойынша 3-орыннан көрінді», - дейді Ақмола облыстық білім басқармасының баспасөз қызметі.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.