Әкімшілік реформаға сәйкес жергілікті басқарудың ережелері қайта қаралды

АСТАНА. KAZINFORM — Жаңа Конституцияның жобасында жергілікті мемлекеттік басқаруға қатысты ережелері қайта қаралды. Бұл туралы Конституциялық реформалар жөніндегі комиссияның отырысында Конституциялық Сот төрағасының орынбасары Бақыт Нұрмұханов мәлім етті. 

— Тоғызыншы бөлім «Жергілікті мемлекеттік басқару және өзін-өзі басқару» мәселелеріне арналады. Құрылтайға көшуге және елімізде жүргізіліп жатқан әкімшілік реформаға сәйкес оның да бірқатар ережесі қайта қаралып, тұжырымдалды, — деді Бақыт Нұрмұханов жаңа Конституцияның жобасын таныстыру кезінде.

Бұдан бұрын хабарланғандай, жаңа Конституцияның жобасындағы үшінші «Президент» бөліміне тұжырымдамалық тұрғыдан қайта қаралған және мүлде жаңа ережелер енді.

Сонымен қатар, Құрылтай төрағасының лауазымына қатысты мәселелер жеке бапта реттелді.