АСТАНА. ҚазАқпарат - Астанада М. Ломоносов атындағы Мәскеу мемлекеттік университетінің қазақстандық филиалы үшін жаңа ғимарат салынуда. Бұл туралы бүгін Орталық коммуникациялар қызметіндегі брифингте М. Ломоносов атындағы ММУ қазақстандық филиалы директорының орынбасары Сабина Аязбекова мәлім етті.
«Мемлекет басшысы Ақордаға жақын жерден М. Ломоносов атындағы Мәскеу мемлекеттік университетінің қазақстандық филиалы үшін ғимараттың құрылысына жер телімін бөлгізді. Биыл біздің студенттер жаңа жатақханаға қоныстанып, жақын арада оқу ғимараты салынады деп үміттенеміз», - деді ол.
Айта кетейік, бүгінде аталған оқу орынының қазақстандық филиалы елордадағы Л.Н. Гумилев атындағы Еуразия ұлттық университетінің корпусында орналасқан.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.