ОРАЛ. KAZINFORM – Ақсай қаласында автокөлік қағып кеткен ер адам қайтыс болды.
БҚО Полиция департаментінің баспасөз қызметінен мәлім еткеніндей, оқиға 29 маусым күні сағат 03.26-да болды.
«Лада Приора» автокөлігі Железнодорожная көшесімен келе жатып, «Галерея цветов» дүкені тұсында жолды белгіленбеген жерден кесіп өтпекші болған жаяу жүргіншіні қағып кетті. Жол апаты салдарынан ер адам жедел жәрдем көлігі келгенге дейін қаза тапты. Мүрде сот-медициналық сараптамаға жіберілді. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізіліп жатыр», - деп хабарлады ведомстводан.
Еске сала кетейік, бұдан бұрын Оралда автокөлік қағып кеткен 15 жастағы жасөспірімнің өте ауыр халде жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).