ОРАЛ. ҚазАқпарат – Ақсай қаласында ер адам 9-қабаттан құлап кетті, деп хабарлайды ҚазАқпарат тілшісі.
БҚО полиция департаментінің баспасөз қызметкері, полиция майоры Дариға Мәжитованың айтуынша, қайғылы оқиға 7 маусым күні сағат 08.10-да болған.
«Тоғызыншы қабаттан құлаған 61 жастағы ер адам оқиға орнында жан тапсырды. Қазіргі кезде аталған дерек бойынша ҚР ҚК 105-бабы 1-бөлігіне (өзiн-өзi өлтiруге дейiн жеткiзу) сәйкес сотқа дейінгі тергеу амалдары жүргізіліп жатыр», - деді ҚазАқпарат тілшісіне Д.Мәжитова.
Бұл – соңғы кезде Ақсай қаласында болған осындай екінші оқиға.
Еске сала кетейік, бұдан бұрын Ақсай қаласында 41 жастағы ер адамның өзін-өзі атып өлтіргенін жазған болатынбыз.
Сондай-ақ Батыс Қазақстанда автокөлік аударылып, екі адам көз жұмды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).