ОРАЛ. ҚазАқпарат - Ақсай қаласында 52 жастағы алаяқ 1976 жылғы әйелдің 1,5 млн. теңгесін алдап алып кеткен, деп хабарлайды «ҚазАқпарат» ХАА тілшісі.
БҚО ішкі істер департаментінің баспасөз қызметінен түскен мәліметке қарағанда, ол жәбірленушіге жер телімін алып беремін деп, уәде еткен.
Абай полиция бөлімі криминалдық полиция қызметкерлері жүргізген жедел іздестіру шаралары барысында алаяқ әйел ұсталып, ол өзінің кінәсін мойындады. Одан ешқайда кетпеу туралы қолхат алынды.
Қазіргі кезде ҚР ҚК 190-бабы 3-бөліміне сәйкес (алаяқтық) сотқа дейінгі тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).