ОРАЛ. ҚазАқпарат – Ақсай қаласында аяғына оқ тиген 25 жастағы тұрғын ауруханаға түсті, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, оқиға 5 желтоқсан күні түнде қаланың солтүстік бөлігінде болған.
Сағат 23.50-де 25 жастағы тұрғын атыс жарақатымен Бөрлі аудандық орталық ауруханасының хирургиялық бөлімшесіне түсті.
23 жастағы күдікті ұсталып, уақытша оқшаулау изоляторына қамалды. Мылтық тәркіленді.
Қазіргі кезде оқиғаның неден өрбігені анықталу үстінде. ҚР ҚК 293-бабы 3-бөлігіне сәйкес (бұзақылық) сотқа дейінгі тергеу амалдары жүргізілуде.
Бөрлі аудандық орталық ауруханасынан түскен мәліметке қарағанда, сол жақ балтырына оқ тиген тұрғынға ота жасалған. Жағдайы орташа деп бағалануда.
Еске сала кетейік, бұдан бұрын Оралда өгей әкесі 13 жасар қызды зорлады деген күдікке ілінгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).