ОРАЛ. ҚазАқпарат - Ақсайда ер адамның өліміне байланысты тергеу жүргізілуде, деп хабарлайды ҚазАқпарат тілшісі.
БҚО ішкі істер департаментінің баспасөз қызметінен түскен мәліметке қарағанда, 7 маусым күні сағат 07.15-те 5-шағынаудандағы 12-үйдің 1-қабатында орналасқан «Алмаз» ақша айырбастау пунктінен көптеген пышақ жарақаттарымен 1966 жылғы А. есімді азаматтың мүрдесі табылды.
Қазіргі кезде Бөрлі аудандық ішкі істер бөлімі ҚР ҚК 99-бабы 1-бөлігіне сәйкес (кісі өлтіру) тергеу амалдарын жүргізуде.
Еске сала кетейік, Ақсайда кеше белгісіз біреудің қала тұрғынын пышақтап кеткенін жазған болатынбыз. Марқұм валюта айырбастаумен айналысқан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).