ОРАЛ. ҚазАқпарат - 27 сәуір күні сағат 19.30 шамасында 1988 жылғы өзбекстандық азамат Ақсай қаласындағы 10-шағынауданда салынып жатқан 9 қабатты үйден құлап кетіп, қаза тапқан, деп хабарлайды «ҚазАқпарат» тілшісі.
БҚО ішкі істер департаментінің баспасөз қызметінен түскен мәліметке қарағанда, қайғылы оқиғаның орын алуына техника қауіпсіздігін сақтамау себеп болған. Қайтыс болған азамат 26 сәуір күні ел шекарасынан өтіп, Қазақстан Республикасында ресми түрде тіркелген.
Қазіргі таңда аталған дерекке байланысты ҚР ҚК 156-бабы 3-бөліміне сәйкес тергеу амалдары жүргізілуде. Аталған құрылыс нысанын салып жатқан қосалқы мердігер «Губинал» ЖШС екендігі анықталып, бұл жөнінде БҚО бойынша еңбек инспекциясы басқармасына хабар берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).