21:54, 15 Маусым 2020

АҚШ әскери әуе күштерінің жойғыш ұшағы Солтүстік теңізінде апатқа ұшырады

ЛОНДОН. ҚазАқпарат – АҚШ-тың әскери әуе күштеріне тиесілі жойғыш ұшақ Солтүстік теңізіне құлап, ұшқышы табылмай жатыр, деп хабарлайды «ҚазАқпарат» ХАА BBC-ге сілтемемен.

Құтқарушы топ ұшақты Шығыс Йоркширден 74 миль (теңіз милі) жерден іздеп жатыр, ол осы маңда апатқа ұшырады деп саналып отыр. F-15C Eagle ұшағы Англиядағы АҚШ-тың ірі әскери базасы — 4 мыңдай америкалық әскери қызметші орналасқан RAF Lakenheath-ден ұшып шыққан.

F-15C Eagle оқу-жаттығу ұшуын орындау кезінде апатқа ұшыраған, онда тек бір ғана адам – ұшқыш болған. Апат себебі әзірге белгісіз.

Оқиға Әлем жаңалықтары Әлем

Ербол Жанат

Журналистика саласындағы еңбек жолын 2010 жылы бастаған. Kazinform ХАА-да 2014 жылдан бері тілші, шығарушы редактор болып еңбек етті. Қазіргі қызметі - шеф-редактор.