АҚШ қауіпсіздік мақсатында Ирактағы елшілігін жартылай эвакуациялады

АСТАНА.KAZINFORM - Бағдадтағы АҚШ елшілігінің негізгі емес қызметкерлері мен олардың отбасылары қауіпсіздік мақсатында  эвакуацияланады, деп хабарлады BBC.

Олар эвакуациялауға нақты не түрткі болғанын айтпады, бірақ соңғы күндері Иранның ядролық бағдарламасы бойынша келіссөздер іс жүзінде тығырыққа тірелді.

- Біз барлық елшіліктерімізде қажетті персонал санын ұдайы бағалаймыз. Соңғы талдауларымызға сүйене отырып, біз Ирактағы миссиямызды қысқарту туралы шешім қабылдадық, - деді АҚШ Мемлекеттік департаментінің өкілі.

Шенеуніктер АҚШ билігінің елшілік қызметкерлерін эвакуациялау туралы шешім қабылдауына не түрткі болғанын айтпайды.

CBS телеарнасының дереккөздерге сілтеме жасап хабарлауынша, Вашингтон Израильдің Иранда операция бастауға дайын екенін білген. АҚШ Иран АҚШ-тың Ирактағы кейбір нысандарына жауап қайтаруы мүмкін деп қорқады.

«Нью-Йорк Таймс» газеті де жоғары лауазымды ирандық шенеунікке сілтеме жасап, Иран Израиль шабуыл жасаған жағдайда жүздеген баллистикалық зымыранды қолданып, жауап соққы беру жоспарын жасағанын жазды.

Айта кетейік, мұнай бағасы Таяу Шығыстағы геосаяси шиеленістің күшеюі аясында барреліне 69,8 долларға (+4,3%) көтерілді, бұл жеткізілімдердің үзілуіне қатысты алаңдаушылықты арттырып отыр.

Иракта су тапшылығынан егіс алқаптары игерілмей қалды.