Трамп бұл операцияны «Бостандық жобасы» деп атап, ол басқа елдердің өтініштеріне жауап болатынын мәлімдеді, бірақ оларды атамай, қақтығысқа қатысы жоқ екенін баса айтты.
— Мен өкілдеріме оларға кемелері мен экипаждарын бұғаздан қауіпсіз шығару үшін барлық күш-жігерімізді салатынымызды хабарлауды тапсырдым. Бірақ олар барлық жағдайда бұл аймақ кеме қатынасы үшін және жалпы жағдай толық қауіпсіз болмайынша кері қайтпайтынын жеткізді, — деп жазды ол Truth Social-да.
Ақ үй басшысы бұл Құрама Штаттар, Таяу Шығыс елдері, әсіресе Иран тарапынан жасалған гуманитарлық әрекет екенін атап өтті.
— Көптеген кемелерде экипаждың денсаулығы мен санитарлық жағдайын сақтау үшін қажет азық-түлік пен басқа да қорлар таусылып бара жатыр. Менің ойымша, бұл соңғы бірнеше ай бойы табанды түрде күресіп келген барлық тараптар тарапынан ізгі ниеттің маңызды көрінісі болар еді, — деп қосты ол.
АҚШ Орталық қолбасшылығының (CENTCOM) күштері Ормуз бұғазындағы коммерциялық кемелердің жүзу еркіндігін қалпына келтіруге бағытталған «Бостандық жобасын» қолдайтынын тағы растады.
— АҚШ-тың «Бостандық жобасына» әскери қолдауына басқарылатын зымыран эсминецтері, құрлықтағы және теңіздегі 100-ден астам ұшақ, көпмақсатты ұшқышсыз платформалар және 15 мың әскер кіреді, — деп мәлімдеді CENTCOM.
АҚШ президенті сондай-ақ гуманитарлық процеске кедергі келтірілген жағдайда күш қолдану қажет болуы мүмкін екенін ескертті.
Осыған дейін АҚШ Ормуз бұғазында кеме қатынасын қамтамасыз ету үшін коалиция құруды ұсынғанын жаздық.