АСТАНА. KAZINFORM – АҚШ әскерилері Сириядағы 75-тен астам нысанаға, соның ішінде «Ислам мемлекеті» халықаралық лаңкестік ұйымының (Қазақстанда тыйым салынған - ред.) лагерлері мен содырларына бірнеше ондаған әуе соққысын жасады, деп хабарлайды Azerbaycan 24.
Бұл туралы «Х» әлеуметтік желісінде АҚШ Қарулы күштері Орталық қолбасшылығы (CENTCOM) мәлімдеді.
«CENTCOM күштері 8 желтоқсанда ДАИШ лагерлері мен содырларын талқандау мақсатымен бірнеше ондаған дәлдігі жоғары әуе шабуылын жасады», - деліінген жарияланымда.
Операция барысында B-52 стратегиялық бомбалаушы ұшақтары, F-15 жойғыш ұшақтары және А-10 шабуылдау ұшақтары арқылы 75-тен астам нысанаға соққы жасалды.
Еске сала кетейік, бұған дейін Израиль әскері Голан сыртындағы Сирия аумағына кіргенін жазған едік.
Зарина Туғанбаева
Л.Н. Гумилев атындағы Еуразия Ұлттық университетінің түлегі. Еңбек жолын Ақмола облысы Целиноград аудандық «Ұран», «Призыв» газеттерінде тілші болып бастаған. Kazinform ақпарат агенттігінде 2011 жылдан бері қызмет атқарып келеді.