АҚШ Сириядағы әскер санын қысқартады

АСТАНА. KAZINFORM – Пентагон Сириядағы әскер cанының қысқартылатынын жариялады: бірнеше айдан кейін онда 1000-нан аз адам қалады, деп хабарлайды ВВС. 

—АҚШ қорғаныс министрі Пит Хегсет Сириядағы америкалық әскерді «таңдаулы жерлерде» шоғырландыруға бұйрық берді, — делінген хабарламада.

Атап өтілгендей, бұл «жүйелі және шарттарға негізделген процесс» болады. Әскерилердің азаюы «Ислам мемлекеті» тобына (Қазақстанда тыйым салынған — ред.) қарсы науқанның сәтті өтуімен байланысты, бұл 2019 жылдан бері оның бақылауында бірде-бір аумақ қалмауына әкелді.

— Президент Трамптың күш арқылы бейбітшілікке ұмтылуына сәйкес АҚШ Орталық қолбасшылығы Сириядағы ДАИШ қалдықтарына соққы беруді жалғастыруға дайын, — делінген хабарламада.