АҚШ соты Ұлттық қауіпсіздік агенттігінің мәлімет жинау іс-қимылын заңды деп шешті
13:59, 28 Желтоқсан 2013
АСТАНА. 28 желтоқсан. ҚазАқпарат - АҚШ Федералдық сотының қаулысы бойынша Ұлттық қауіпсіздік агенттігі тарапынан телефон мәліметтерін жинау іс-қимылдары заңды деп танылды. Бұл туралы ВВС хабарлады.
Айта кетейік, бұдан бұрын Арнайы қызметтің бұрынғы агенті Эдвард Сноуден жария еткен құжаттарға қарағанда америкалық Ұлттық қауіпсіздік агенттігі күн сайын әлем бойынша 5 млрд. телефон қоңырауларына тыңшылық жасаған.
Судьяның мәлімдемесіне қарағанда, осы мәліметтерді үкімет қандай да бір бөлек мақсаттарға пайдаланғаны туралы дәлел жоқ.
Осы арқылы сот америкалық азаматтық еркіндікті қорғау одағының талап-арызын қабылдамады. Судьяның айтуынша, аталған агенттіктің тыңшылық бағдарламасы «әл-Каида» желілері бойынша жауапты соққы беруге негізделген.