АСТАНА. KAZINFORM — АҚШ-та қайтыс болған Қазақстан азаматы Әсет Құралбайдың денесі елге жеткізілді. Бұл туралы ҚР Сыртқы істер министрлігінің ресми өкілі Ерлан Жетібаев мәлім етті.
— 25 маусым күні Қазақстан азаматының мәйіті елге жеткізілді. Нью-Йорктегі Бас консулдығымыз барлық қажетті консулдық-құқықтық қолдау көрсетіп, марқұмның денесін отанына тасымалдауға жәрдемдесті, — деді Ерлан Жетібаев.
Айта кетейік, АҚШ-та қазақ азаматы із-түзсіз жоғалып кеткен еді. Ол барлық құжаттары мен ақшасын үйіне қалдырып кеткен.
Сонымен қатар АҚШ-та жоғалып кеткен қазақстандықтың қаза тапқаны расталған еді.
Тастан Тоянов
Абылай хан атындағы Қазақ халықаралық қатынастар және әлем тілдері университетінде журналистика мамандығы бойынша білім алған. Түрлі ақпараттық платформаларда қызмет етті. Қазіргі уақытта Kazinform халықаралық ақпарат агенттігінің тілшісі.