АҚШ-та құс фабрикасында химиялық заттан уланған алты адам көз жұмды

НЬЮ-ЙОРК. ҚазАқпарат – Джорджиядағы құс фабрикасында бейсенбі күні сұйық азот тарап кетіп, алты адам қаза тапты, деп хабарлайды ҚазАқпарат Associated Press агенттігіне сілтеме жасап.

Агенттіктің мәліметі бойынша, бес адам оқиға орнында көз жұмса, тағы біреуі ауруханада қайтыс болған. Оқиға орнына өрт сөндірушілер жетті, олардың төртеуі жұмыс барысында зардап шекті. Фабриканың 130-ға жуық жұмысшысы эвакуацияланды, оларды дәрігерлер тексеріп жатыр.