АҚШ-та сәбилерге Мұхаммед есімін қою көбейіп келеді

Соңғы жарты ғасырда АҚШ-та жаңа туған нәрестеге Мұахаммед есімін қою жүз есе артқан.
Daily Mail басылымы жариялаған деректерге сәйкес, 1964 жылы Пайғамбардың есімі 29 нәрестеге қойылса, он жылдан кейін 142-ге, тағы он жылдан кейін, олардың саны 571-ге жеткен.
Зерттеушілер 2001 жылғы 2222 Мұхамед есімді сәби дүниеге келгенін, 2004 жылы 1816-ға дейін төмендегенін айтады. Себебі, оған 2001 жылы 11 қыркүйектегі оқиға әсер еткен.
Алайда, 2014 жылы пайғамбардың есімі 2 931 балаға қойылды. Бұл ретте зерттеушілердің айтуынша, көбіне, Махмұд, Мехмет, Мохаммад, Мохаммед болып қойылған.