Жігіттер жалдап тұратын пәтерлерінде шілденің 10-ында ұсталған болатын. Cape Cod Times басылымының ақпаратына сүйенсек, тінту кезінде екі компьютер, бірнеше флеш-тасымалдағыш, бірнеше телефон мен айпод және принтер табылған. Полиция жалпы сомасы 700 АҚШ долларының қолдан жасалған, бірақ әлі кесілмеген 20 долларлық және 100 долларлық ақшаларын тәркілеген. «Сикрет сервис» арнайы қызметі қазір жалған долларлардың таралу фактін тексеруде.
Сот мәжілісі басталғанға дейін Әлібек Тайлақов пен Александр Кустовский әрқайсысы 600 доллар көлеміндегі кепілдемемен босатылған. Оларға мемлекеттік адвокаттардың қызметі ұсынылып отыр. Қорғаушылар сотта жігіттердің Қазақстанға депортациялануына қол жеткізбек.
Әлібек Тайлақов пен Александр Кустовский принтерде басылған жалған ақшаларды еш жерде пайдаланбағандарын айтып, ақталуда. Адвокаттардың пікірінше, сот барысы бірнеше айға созылуы мүмкін және сот үкімі шыққанша, күдіктілердің кінәлары туралы қандай да бір түйін жасауға әлі ертерек.