Эльмендорф-Ричардсон — АҚШ Қарулы күштерінің біріктірілген әскери базасы. Ол Анкоридж маңындағы 1940 жылы құрылған Эльмендорф әскери-әуе базасы мен Форт Ричардсон құрлық әскерлері базасының бірігуі арқылы 15 жыл бұрын, яғни 2010 жылы пайда болды.
Қазіргі уақытта бұл базада:
• әуе күштерінің бөлімшелері орналасқан,
• құрлық әскерлері де осы базада қызмет етеді,
• Солтүстік Америка әуе-ғарыштық қорғаныс командованиесінің (NORAD) Аляска аймағындағы штабы,
• және АҚШ Қарулы күштерінің Аляскадағы қолбасшылығы (Солтүстік қолбасшылықтың құрамындағы құрылымдық бөлімше) жұмыс істейді.
Базада 5,5 мыңнан астам әскери қызметші мен азаматтық қызметкерлер еңбек етеді.
Эльмендорф-Ричардсон аумағында:
• оқу және талдау орталықтары,
• инженерлік, логистикалық және медициналық бөлімшелер орналасқан.
• Базаның инфрақұрылымының жалпы құны 12 миллиард доллардан асады.
Қазіргі кезде базада ұшу-қону жолағын ұзарту бойынша құрылыс жұмыстары жүргізілуде. Бұл жоба 360 миллион долларға бағаланған және оны 2026 жылға қарай аяқтау жоспарланған.
1971 жылы АҚШ-тың 37-президенті Ричард Никсон осы базада Жапония императоры Хирохитоны қарсы алған.
Бұл кездесу қысқа болған — император Еуропаға сапар шегіп бара жатқанда Анкориджде ұшағына жанармай құйылған. Ол Аляскада бар болғаны 110 минут болған. Алайда бұл — жапон императоры алғаш рет өз елінен шыққан тарихи оқиға еді. Сол кезде 5 мың адам ангарға жиналып, Никсонның императорды қарсы алу сәтін көруге келген.
Бұған дейін хабарланғандай, Путин мен Трамп Анкоридждегі әскери база аумағында кездесетін болады.