АҚШ-тағы ірі жол апаты салдарынан 30-дан астам адам зардап шекті
03:41, 02 Маусым 2016
АСТАНА. ҚазАқпарат - Американың Техас штаты Хьюстон қаласында болған жол апатынан 32 адам зардап шекті. Бұл туралы ресейлік ТАСС агенттігі ABC телеарнасына сілтеме жасай отырып хабарлайды.
Қаладағы ірі жолдардың бірінде пикап жүргізушісі көлігіне ие бола алмай автобусқа соғылған.
Ішінде 40 адамы бар қоғамдық көлік жолы шетіне шығып, бар жылдамдығымен бағанаға келіп тірелген.
Полицияның хабарлауынша, 28 адам ауруханаға жатқызылып, төрт адамға оқиға орнында медициналық көмек көрсетілген.
Жол-көлік оқиғасы салдарынан көлік қозғалысы тоқтатылды. Қазір ЖКО себеп-салдары тексерілуде.