АҚШ-тың B-1B бомбалаушы ұшағы әуе базасына қону кезінде апатқа ұшырады

Америкалық B-1B Lancer стратегиялық бомбалаушы ұшағы Оңтүстік Дакотадағы Эллсворт әуе күштерінің базасына қону кезінде апатқа ұшырады. Kazinform бұл туралы uza.uz-ге сілтеме жасап хабарлайды. 

АҚШ Әскери-әуе күштерінің жаһандық соққы беру қолбасшылығының дерегінше, бортта төрт ұшқыштан тұратын экипаж болған. Олардың барлығы сәтті шығарылды және ешкім зардап шекпеді. 

Апат жергілікті уақыт бойынша бейсенбі күні кешке оқу-жаттығу рейсі кезінде болған. Ұшақтың қонуына ауа райының қолайсыздығы мен қатты аяз кедергі келтіргені айтылады хабарламада.

Қазіргі кезде апаттың себебін анықтау жұмыстары жүргізіліп жатыр.