деп хабарлайды ҚазАқпарат.
Заңнамашылар, тым жоғары сыйақылар ел экономикасы үшін проблема туғызатын негізсіз тәуекелдерді көтермелейді деп санайды. Сенат осы құжатты қабылдаған жағдайда, банк, холдинг, брокерлік, несиелік, инвестициялық және ипотекалық компаниялардың қызметкерлерінің сыйақыларына шектеу қойылатын болады.
Осының алдында ғана, миллиардтаған федералдық көмек алған елдің тоғыз ірі банкі 5 мыңдай қызметкерге 1 миллион доллар сомасында жеке сыйақылар бергені туралы мәліметтер жария етілген еді. Үкіметтен 182 миллиард доллар көмек алған AIG компаниясындағы бонустар туралы ағымдағы жылдың көктемінде жария болған ақпараттар да жұртшылықтың арасында толқу туғызған болатын. Ал 45 миллиард доллар федералдық ақша алған және қазір активінің үштен бірі мемлекетке тиесілі «Citigroup» компаниясының да 738-ден астам қызметкеріне 1 миллион доллардан сыйақы бергені анықталды.
«Ассошиейтед пресс» агенттігі, Өкілдер палатасының республикашылдар мүшелерінің басым көбісі жоғарыдағы заң жобасына қарсы дауыс бергенін хабарлап отыр. Республикашылдар мемлекеттік көмек алған қаржы институттарына да шектеу қою керек дегенді алға тартуда.